[东方报]西甲：巴塞大盤包冇失雲[09-13]

                               
登录/注册后可看大图

周日西甲好戲碼，利雲特主場迎戰巴塞隆拿。巴塞一開季就着「Turbo」，聯賽及歐聯5連勝，其中4場開5球或以上，所以對住巴塞死守根本冇用。利雲特專打守勢波，預計今場又係巴塞圍攻對手格局，入波唔會少，3.5球入球大抵玩。（Now 632周日晚10時15分直播）

巴塞今季鋒線換血，送走羅拔利雲度夫斯基同拉舒福特，簽入卡廉艾迪耶美同安東尼哥頓，新兵極速融入，不過最主要係原有班底繼續進步，19歲嘅拉明耶馬歐聯再次入波，達成百球里程碑，拉芬夏比洛尼、柏迪、古巴斯等骨幹成員合作無間，全隊一開季就進入作戰狀態，連場大炒對手冇手軟。

博埋客軍單隊3.5球大
睇番巴塞開季5場勝仗，全部半場領先，其中4場半場攻入2球，就算贏緊兩粒進攻機器仍然繼續運作，直至尾段換入費明盧比斯、加維，甚至新加盟嘅加比爾捷西斯，攻力一樣冇減弱。

雖然利雲特近3場不敗，其中兩場守和0比0，但對住巴塞龜縮只係死路一條，今場捧入球大之餘，不妨玩埋「球隊入球大細」巴塞隆拿（客隊）3.5球大，博兩瓣收晒。