[东方报]英聯盃：地頭出擊副選都夠殺 利物浦打鐵趁熱[09-15]

                               
登录/注册后可看大图

英格蘭聯賽盃第3圈利物浦主場迎戰熱刺。雙方喺聯賽表現都不似預期，但紅軍喺伊拉奧拿領軍下，各項賽事2勝3和保持不敗，而且近4次交手鬥熱刺，獲得3勝1和佔有優勢，趁對手熱刺深陷入球荒，利物浦主場出擊，當然要打鐵趁熱贏波振聲威，主勝值捧。（無綫myTV SUPER周三凌晨3時直播）

利物浦同熱刺均喺剛過去英超，於主場同對手互交白卷，不過比賽過程有啲唔同，利物浦製造多次埋門，只係欠運未能取得入球，相反熱刺進退失據，預期進球值更只得0.69，難怪今季5場賽事，有4場未能取得入球。

唔少英國傳媒預料，今場利物浦會副選應戰，加普、域陀蒙路斯、森美卡斯甚至日本國腳遠藤航等會正選。至於熱刺由於陷入水深火熱，領隊迪薩比則會派半隊或以上正選，馬迪奧斯費南迪斯及沙雲奴等都會上場搏殺，問題係熱刺呢班球員，之前幾場已經話畀你知唔掂，今場作客紅軍更難睇好。

熱刺往績被恰死
今場熱刺後衞安德魯羅拔臣將會倒戈紅軍，呢名32歲蘇格蘭國腳，於2017至2026年效力利物浦9年，曾經替紅軍贏得英超、歐聯、英足盃同英聯盃，今次重返晏菲路肯定百感交集。

至於「紅軍」上場同富咸互交白卷，再於主場出擊，肯定要贏波氹番球迷，好彩利物浦近4次交手鬥熱刺，獲得3勝1和，包括2025年英聯盃4強，以4比0大勝對手，如果再計遠啲，近20次交手紅軍獲14勝4和2負，格食格味濃，就算出副選都夠殺，今仗可放心向主勝埋手。