[东方报]英超：踢法進取暗藏驚人數據追 車仔 半大[09-18]

                               
登录/注册后可看大图

今輪英超打頭陣上演「倫敦打吡」，賓福特主場迎戰車路士。賓福特各項賽事保持不敗，而且全部取得入波，車路士喺沙比阿朗素執教下踢法進取，不過後防同樣成日失波，佢哋今季4場聯賽，全部半場開2球或以上，繼續追1.5球半場大冇衰。（Now 621周六凌晨3時直播）

沙比阿朗素嚟到車路士，繼續其高控傳同快速節奏變化嘅戰術，利用球員多走動製造空位，喺比賽初段有氣有力時，起到明顯作用，而且入波時間確係幾得人驚，4場英超第一個入波時間全部喺7分鐘內完成。首戰作客富咸31秒就入波，跟住主場對白禮頓就4分鐘，作客阿仙奴77秒搞掂，對侯城用咗7分鐘算係最耐。

不過由於陣容仍未磨合好，安素費南迪斯離隊加上摩西斯卡些度受傷，「車仔」出現攻守失衡，唔同「沙比Sir」喺利華古遜時，有格列沙加做第一道屏障，車路士製造出嚟嘅空位，亦成為防守嘅漏洞，畀人一攻就破，呢4場英超同樣上半場已經失波。

賓福特急先鋒鬥攻
賓福特現時聯賽只落後「車仔」1分，連同盃賽在內，球隊今季6戰保持不敗，全部都有入波，佢哋踢法同樣急先鋒，今季4場聯賽有3次上半場已有士哥，而且「蜜蜂仔」主場唔怕車路士，對上4次交手全部和波，包括2次踢成2比2，今場相信雙方都好快入局，半場大好快有錢收。