[东方报]世界盃：瑞士鋒線超曳 波斯尼亞硬淨頂得住[06-18]

                               
登录/注册后可看大图

今晚世盃B組次輪關鍵戰，瑞士硬撼波斯尼亞。瑞士首輪意外失分，再次暴露出佢哋臨門一腳麻麻嘅問題，波斯尼亞一定築起銅牆鐵壁迎敵，佢哋近9仗未輸過，頂得住「十字軍」來犯，讓球主客和仲有得受讓咁筍，讓球客勝（+1）咪錯過。（Now 618及616周五凌晨3時直播）

瑞士近年表現係幾穩定，喺大賽經常都殺入淘汰賽，但穩陣有餘卻欠缺更上一層樓嘅能力，如果話文路爾艾簡治同格列沙加係中後場支柱同精神領袖，咁前線明顯冇一個靠得住嘅射手壓陣，比列安保路、安杜尼、魯賓華加斯個個都唔錯，但都唔係憑一己之力改變戰局嘅球員，而且去到關鍵時刻就冇貨賣。

現時B組4隊各有1分在手，形勢均等，瑞士要出線仲要繼續努力，但佢哋似乎冇乜贏波本錢，以首輪對卡塔爾為例，瑞士全場圍攻格局，總共有26次攻門，其中7次中目標，但入得1粒咁大把，仲要係來自比列安保路嘅12碼，埋下末段被逼和1比1嘅伏線，只能怪自己把握力太曳。

近6場全部打和
另邊廂，波斯尼亞好有自知之明，連最有卡士嘅老將箭頭迪斯高亦未必出得，主帥巴巴斯就一不做二不休，索性泊大巴迎敵，好似首輪造訪東道主之一嘅加拿大，由另一老將哥拉辛拿斯領導嘅防線，全場合共作出71次解圍，係自1966年世盃有統計以來，單場解圍次數第4多球隊，雖然最終仍被追和1比1，但攞到1分亦收貨。何況波斯尼亞近9仗獲2勝7和未輸過，其中近6仗更加全部打和，相信可以頂住瑞士，讓球客勝（+1）捧得過。