[东方报]世界盃：球星晒冷撲擊戰巴西翻天覆地搶半大[06-19]

                               
登录/注册后可看大图

世盃C組次輪賽事，巴西首仗和波失分，球員知恥近幾乎勇，今場對弱隊海地勢必全力進攻。上仗輸波嘅海地為保出線希望，踢法上亦唔會退縮，更加有利「森巴兵團」製造入球，一於追1.5球半場大。（Now 618、616及馬會指定場外投注處周六早上8時30分直播）

巴西上場對同組最強對手摩洛哥，開賽21分鐘即告落後，就算「森巴兵團」迅速扳平，但整體演出亦不盡人意，預料領隊安察洛堤今仗會變陣，派出更多進攻球員上陣搏殺，希望盡快入波領先，以免夜長夢多。事實上，巴西鋒線猛將如雲，除咗上仗射入靚波嘅雲尼斯奧斯祖利亞之外，仲有巴塞隆拿翼鋒拉芬夏比洛尼，曼聯前鋒馬菲奧斯根夏，以及今季英超以22球排射手榜第2位嘅伊戈泰亞高，火力強勁，難怪「森巴兵團」近3場上半場總人球全開2球或以上，今場只要「肥安」擺大個頭搶攻，上半場要入2球，並唔困難。

海地盡砌爭取入波
不過，巴西防線人腳質素一般，韋斯利雲尼素斯賽事展開前因傷退隊，上場焗用中堅羅渣伊賓尼斯客串擔任右後衞。至於左後衞杜格拉斯山度士只係效力俄超球隊辛尼特，邊路防守成為巴西一大隱憂，海地隨時可以「偷雞」入波。

另邊廂，海地上場開賽28分鐘已經落後，最終0比1不敵蘇格蘭，成為C組唯一0分球隊；呢支中北美洲代表當然唔想成為「三零部隊」，今仗無論贏輸都要爭取入波「破蛋」，特別係上半場球員體力仍然充沛，可能豁出去同巴西鬥攻，開半場大機會甚高。