[东方报]世界盃：免費早餐波埃及槓西食胡[06-21]

                               
登录/注册后可看大图

周一免費直播有G組新西蘭火併埃及。新西蘭首輪兩度領先都贏唔到，而且近7仗輸咗5場，對住有穆罕默德沙拿壓陣嘅埃及，凶多吉少，讓球盤埃及讓半一照捧上盤。（ViuTV 99台、Now 618、616及馬會指定場外投注處周一早上9時直播）

新西蘭首輪表現不俗，森林中鋒基斯活特交出助攻，並藉住華裔血統嘅靚仔伊利亞祖斯梅開二度，不過兩度領先之下，仍被亞洲球隊伊朗逼和2比2，可見佢哋出到國際大舞台都係唔夠班。睇番呢支大洋洲球隊近7仗，只得1勝1和5負，對住海地、芬蘭都輸波，不宜高估。

沙拿上仗交出助攻
非洲勁旅埃及首輪賽和比利時1比1，王牌穆罕默德沙拿雖然未有進帳，但妙傳安馬阿梳亞先開紀錄，狀態明顯有所回升。埃及近5仗獲2勝2和僅1敗，輸畀巴西都好正常，能夠打和比利時同西班牙，對住實力較次嘅俄羅斯同沙特阿拉伯順利獲勝，不容忽視，面對同組實力最弱嘅新西蘭，呢3分志在必得，上盤有計。