[东方报]國友賽：法國車輪戰細盤冇蘭度[06-08]

                               
登录/注册后可看大图

法國出征世盃前，最後一場熱身賽將會喺主場迎戰北愛爾蘭。法國球星個個身嬌肉貴，世盃決賽周臨開波，肯定唔會搏命避免受傷。北愛爾蘭向來以硬淨見稱，體力化踢法往往波到人到，法國今場難免會避重就輕，開3.5球嘅入球細機會高。（周二凌晨3時10分開賽）

北愛最強鐵血防守
法國上場熱身賽1比2輸畀科特迪瓦，近1年來首次輸波，論陣容佢哋係超晒班，而且大部分球員夾慣夾熟，熱身賽明顯未盡全力。基利安麥巴比、米高奧利斯等主力上仗踢咗半場就被換走，今場係法國赴美前最後一場熱身，之前為巴黎聖日耳門踢歐聯決賽嘅主力，包括奧士文尼迪比利、迪斯亞杜伊預料都會復出，今場會繼續「車輪戰」畀球員磨練狀態，以唔受傷為大前提。

北愛爾蘭多數球員都喺英格蘭搵食，體能充沛同鬥志高昂係最大賣點，領隊米高奧尼爾領導下踢出鐵血防守，體力化踢法唔係咁易應付。北愛爾蘭近7場賽事，總入球全開3球或以下，對住德國僅輸0比1、對意大利輸0比2都唔算失禮，今場有望減少「傷亡」，捧3.5球嘅入球細好路。