[东方报]世盃歐洲：葡萄牙睇定嚟食吼半細[09-06]

老孙安达

世盃外歐洲區F組，新任歐國聯冠軍葡萄牙，將會作客弱旅阿美尼亞。星光熠熠嘅葡萄牙陣容鼎盛，但經常被批評靠打「天才波」。不過自從馬天尼斯執教後，葡萄牙表現更穩重同成熟，控制戰局同留放得心應手，近期採用留前鬥後策略成效非凡，今場睇定嚟食，博1.5球半場細好路。（周日凌晨零時開賽）

葡萄牙多年來都係靠C朗拿度單天保至尊，就算擁有般奴費南迪斯及貝拿度施華等猛將，團隊發揮都仲係有所不足，但自從馬天尼斯重用「巴黎孖寶」祖奧尼維斯同域天拿後，呢對中場組合攻守兼備，令球隊更具效率，往往能夠掌控戰局、留前鬥後。

阿美尼亞擺鐵桶硬頂
葡萄牙喺歐國聯封王亦係依賴凌厲後勁，4強對德國反敗為勝，決賽對西班牙兩度落後，都能夠追和兼射贏12碼，睇番葡萄牙近7場賽事，有6場半場總入球開1球或以下，等到下半場先至發力強攻。阿美尼亞自知實力同葡萄牙有差距，今仗會藉主場之利擺鐵桶死守，葡萄牙會睇住嚟食，開1.5球半場細機會高。